الى الاخت سارة
18 يناير, 2012
السلام عليكم ورحمة الله
انا عايزة اطمن على بنتى اذا كانت عندها
توحد حتى ولو بسيط ولا لأ هى عمرها
دلوقتى سنتين و7 شهور من ستة كده كان
ممكن يكون عندها كل اعراض التوحد يعنى
كانت لا تستجيب لاسمها ولا تنفذ الاوامر
وترفرف بيدها وتدور حول نفسها وتمشى على
اصابع قدميها وكانت عايشة مع نفسها اما
دلوقتى ولله الحمد بقت واحدة تانية خالص
بتستجيب لاسمها كويس وتنفذ الاوامر
كويس جدا بطلت تمشى على اطراف اصابعها
ولا تدور حول نفسها الا اذا رات احد يفعل
كده ورفرفة اليد لسه موجودة لكن قليلة
جدا مابقتش سمة مميزة ليها زى
الاول…مشكلتى بقى فى حاجتين اولا
الكلام فهى متاخرة فى الكلام لكن بتقول
كلمات كتييير ماشاء الله ممكن اكثر من 35
كلمة وماشاء الله فى تطور بتحاول يعنى
لكن جمل مافيش هى جملة واحدة بس من
كلمتين والكل يقلقونا من تاخر كلمها ده
المشكلة التانية الكبير ة جدا هى
العصبية والعياط ماكنتش كده فى
الاول…عصبيتها وعياطها
فظيييييييييييييييييع على الفاضية
والمليانة مش قادرة اوصفهولك مبوظ كل
حاجة فى حياتنا لدرجة انى كنت بضطر ابات
عند امى عشان زوجى مايتعصبش عليها
ويضربها من كتر زنها وبتضرب راسها فى
الارض وتخبط يديها فى الكراسى وترمى
نفسها على الارض بحس كتيير ان الوضع خرج
عن السيطرة الكلام ده بيحصل لو ما
عملنلهاش اللى هيا عايزاه واحيانا
بنكون مش عارفين هى عايزة ايه..وعن موضوع
التواصل الاجتماعى هى بتحب تلعب مع
الاطفال لكن احيانا بتلعب لوحدها يعى لو
قلنا ساعتين لعب ساعة لوحدها وساعة مع
العيال مع الاغراب انا حاسة انها عادية
شوية بتكون مكسوفة فى الاول وبعدين
تتعود عليهم وفى ناس تانية ما بتتعودش
عليهم وتواصلها بالعين كويس ومعايا انا
وابوها بتلعب كويس لكن لما بتتعود على
حاجة شوية بيكون صعب انها ما تعملهاش زى
مثلا لما ابوها يخرج لازم تخرج معاه لما
يقعد على الكمبيوتر لازم تقعد معاه
ويفرجها على اغانى لما نخرج ونعدى على
محل معين كده لاوم كل ما نعدى من الشارع
ده لازم لازم تروحوه حاجات زى كده
وملهاش لعبة متعلقة بيها بالعكس بتزهق
بسرعة…..ارجوك طمنى هل بنتى متوحدة او
عندها سمات توحد؟؟؟؟
الاخت العزيزة
فى البداية اتمنى الشفاء لابنتك
اختى بالتاكيد ابنتك فى البداية تم تشخيصها على انها تعانى من توحد وقد حصلت على درجة معينة على اختبار التوحد تم تطبيقه عليها ولقد اجتهدتى مع هذه الطفلة وومشيت فى الطريق الصحيح فانخفضت الدرجات واصبحت اقل وفقط تحتاج الى بعض الجهد فى نفس الطريق لتواصل التحسن اختى العصبية والعند هى احدى سمات التوحد وهى تحتاج الى جهد كبير من المعالج السلوكى ومن البيت لكى تنخفض هذه السمة لديه تدريجيا
السلام عليكم دكتور أنا ابني عمره خمس سنوات شخص على انه تتوحدي من عمر ثلاث سنوات حالته حيرت الاطباء لانه لايحمل كل صفات التوحد لكن السمه الابرز هي عدم التواصل البصري الذي تحسن نوعا ما وعدم الذهاب للحمام وهي اكبر مشاكلي اما صفاته الباقية كلها طبيعية عالي الذكاء والحفظ اجتماعي يحب اللعب والتعلم ومهووس بالكمبيوتر واللعاب الإلكترونيات يستجيب للأوامر ولكن عنيد بعض الأوقات يعتمد على نفسه بالإكل واللبس حتى أني مرات اشك انه فيه حاجه مش عارفه إيه رايك يادكتور
أضف تعليق