الى الاخت ام سارة

18 يناير, 2012

السلام عليكم:

لدى ابنه عندها سنتين و11 اشهر، لم تنطق

حتى السنتين الحقتها بحضانه ولكن لم

تكمل بها شهرا واحد حيث انها

مرضت،ولكنها تعلمت نطق امبوا على الماء

وبيل على الموبيل.وكانت قبل ذلك دائما

امام التليفزيون من قنوات اطفال واغانى

واعلانات، وقليل جدا لو تعاملت مع

الاطفال او اقارب وذلك لعدم خروجنا

كثيرا الا فى الاجازة الاسبوعيه وايضا

لا يوجد اطفال فى العائله غيرها

ولكنها سريعا ما نسيت تلك الكلمات وكانت

كثيرا عند لعبها او عند زهقها تقول

أأأأأأأأأأأأأ كالاطفال.

عندما اكلمت سنتين ونصف عرضتها على

اخصائى نفسى واختبارات ذكاء ونقلت له

مخاوفى من ان تكون لديها سمات توحد

ولكنه رفض هذا واستند الى انها نظرت

اليه وسلمت عليه ولما طلب منها ان تضع

البازل واللعب فى اماكنها نفذت الاوامر

وكمان بتشاور على اعضاء جسمها اذا طلب

منها وتعلمت الحمام وتطلبه بالاشارة

وايضا تدرك وتعلم الالوان والارقام

وكثير من اسماء الحيونات والفاكهه

والخضروات واشخاص العائله ،ولكن كل هذا

بالاشاره فقط.يعنى مثلا اقول لها فين

كذا تشاور عليه.

فهى تتواصل بالاشاره بالعين او باليد،

وجيده فى اللغه الاستقباليه، ولا يوجد

مشاكل فى الانتباه، لما ننادى عليها

تبصلنا عادى،وقالنا ده تاخر نتيجه لعدم

تعاملها مع اشخاص غيرى انا وباباها.

ونصحنا بدخولها حضانه ونخرجها كتير

عشان تشوف ناس اكتر وان نبدا معها جلسات

تخاطب فى الحضانه.

هى الان بعد 6 اشهر فى الحضانه وجلسات

التخاطب مرتين فى الاسبوع الاحظ تحسن فى

السلوك فهى تطيع اكثر الاوامر واصبحت

اكثر تركيزا ولا تخاف من الغرباء وتعلمت

تشاور باى باى باليد بعد ماكانت رفضه

انها تعملها

ولكن لا يوجد تطور كبير فى اللغه من حيث

النطق الا انها اصبحت تقول لى ماما

واختفت الصوت أأأأأأأأأأأأأأأأ التى

كانت تسلى بها نفسها.

المشكله عندى فى الكلام ، لما اخدها

عشان اعيد عليها اللى بتاخده فى التخاطب

مش بتردى تقول ولا حاجه ولا حتى مقاطع ،

رفض تام

وديتها مركز خارجى تاخد تخاطب فيه وهناك

عملولها بورتاج ووجدوا ان مهاراتها

متناسبه مع سنه وادراكها عالى ا،ولكن

عدم الكلام هو اللى ماثر فيها،وبدانا

تخاطب مرة اخرى مع مدربه لها سمعتها

الجيده فى الاسكندريه وبدات

بالمقاطه/أا- بابابا-ماماما ولكن سارة

لا تردد وراها،ولكن ممكن بعد دقيقه تردد

المقطع مع نفسها،اضطرت الاخصائيه

تستخدم معاها الضغط على المخارج

وبدات اسمع من ساره حروف كتير تطلع منها

فى البيت زى السين والشين والدال

والياء

ومع ذلك الاخصائيه احتارت فى امرها لان

ذكائها عالى وعندها تركيز وذاكره جيده

جدا ولكن ينقصها شىء!!!!!!!

ويوجد امور بسيطه لا تعرف ان تعملها زى

مثلا انها تنفخ ، ممكن تنفخ لوحدها بصوت

بس لو طلبنا منها مش بترضى

وكمان انها تعطى قبله بصوت ،لا تعرف

اخصائيه التخاطب بتقول انها عنيده!!!!!

مع انها لو حاجه تعرفها بتحب انها

تعملها،انا مش شايفاها عند انا رايى

انها ما تعرفش

وتم عمل مقابله مع صاحبه المركز وهى من

الاساتذه الكبار فى مجال التربيه

الخاصه

وشخصت الحاله انها عندها نقص دافعيه

وان 5 حاجات ماثره على ساره

1- انها اول طفله ليا ومتعلقه بيا

2- جلوسها الدائم امام التليفزيون اول

سنتين فى حياتها

3- عدم وجود اطفال فى محيط العائله اول

سنتين فى حياتها

4- عامل وراثلى واضح جدا لانه باباها

وانا من النوع الهادى قليلى الكلام

5- عدم وجود اشخاص ليلى بتتعامل معاهم

اصلا غيرى ،وانا بقيت بلنسبه ليها كارت

محروق،يعنى عارفه اخرى معاها ايه

ووضعت خطه اننا نمشى عليها شهر ونصف

نشتغل معاها بالدافعيه وبلاش تخاطب

لانه مش حيجيب نتيجه فى الوقت الحالى

 

انا اسفه انى بطول على حضرتك

بس انا عايزة استفسر هل سارة عندها توحد

او سمات منه

 

هى مستسلمه جدا وهاديه جدا فى جلسات

الدافعيه،

وفى الحضانه بيقولوا انها بقت شقيه عن

الاول وبقت تتحرك كتير

ممكن اخد من حضرتك نصيحه ازاى اساعد

بنتى اكتر

الشهور بتعدى شهر ورا شهر وانا حاسه انى

مش على طريق الصواب

اسفه على التطويل والازعاج

 

اختى العزيزة

السلام عليكم اختى فى البداية اتمنى الشفاء لابنتك اختى بورتج هو برنامج مهارات وليس اختبار لذكاء الطفل وبورتج فى الغالب يعتمد على ما تقوله الام وبالتالى المصداقية قليلة بالنسبة له

وبالرغم من ذلك انا لا استطيع ان  احدد مشكلة طفلتك من خلال الانترنت فالذين شاهدو الحالة  وتعاملوا معها فى وضعية افضل ولكنى استطيع ان انصحك

اختى هناك مقاييس مقننة ومحددة لكل شى فهناك اختبار للتوحد وهناك مقاييس للذكاء حتى الدافعية التى تحدثت عنها استاذتنا لها مقاييس

اما ما تحدثت عنه الاخصائية فه ما يعرف بالحرمان البيئى وهذا لا ياتى الا فى البيئة شديدة الحرمان وتسبب تاخر عام وليس فى مجال اللغة فقط

اختى اتمنى ان تصلى الى الحقيقة والى وضع طفلتك